نكت مصرية جديدة 2024 نكت مصرية مضحكة موت

نكت مصرية جديدة 2024 نكت مصرية مضحكة موت، تريد أن تحصل على عدد كبير منها.. فيمكنك أن تجد كل ما تريده بسهولة من خلال اتباعك لما سنعرضه، حيث إنه تبعًا لأن النكت المصرية من أشهر النكت في العالم؛ فسنقوم من خلال موقع مواضيع بعرض جميع التفاصيل والمعلومات عن أطرف النكت المصرية الرائعة.

نكت مصرية جديدة 2024

يمكنك أن تجد مجموعة كبيرة من النكت المصرية التي تجعل الشخص سعيد للغاية بسهولة إذا كنت تريد ذلك.. حيث سنعرض لكم مجموعة ضخمة من نكت مضحكة مصرية 2024 من خلال السطور التالية:

• مرة شخص أهبل خطف واحدة هبلة في العربية.. فقعدت تصوت كتير راح قالها لو مسكتيش هنزلك راحت قالتله لا لا خلاص هسكت.
• طالب كان بيمتحن امتحان كيميا فكان عنده سؤال بيقول ايه الشيء اللي مش بيدوب لما بيفضل ف المايه راح كاتبلهم السمك.
• شاب ماشي مع خطيبته فبيقولها هو أنتي عارفة ايه الفرق بين الحب والجواز؟ فقالتله لا ايه؟ راح قالها الحب ده زي النجوم اللي بنشوفها ف السما، راحت قالتله والجواز ايه؟ راح رد عليها قالها لا دا البلاعة اللي بنقع فيها واحنا بنبص على السماء عشان نشوف النجوم.
• واحد غبي سمع أن في نظارة الشخص اللي يلبسها يشوف كل الناس من غير هدوم.. فراح باع كل اللي عنده وجمع فلوس وسافر عشان يشتريها.. ورجع مبسوط بيها بقى وماشي يتفرج على الناس لغاية ما وصل للبيت فتح الباب لقى قدامه رجل غريب ومراته والاتنين من غير هدوم، فقام قالع النضارة لاقاهم برضو من غير هدوم، طبعًا مراته جريت عليه تقوله سامحني راح قالها يا ستي استني خليني أشوف النضارة علقت ليه.
• ست خوافة أوي كل يوم تصحي جوزها من النوم وتقوله يا عبده قوم أنا سامعة صوت في الشقة شكله في حرامي في البيت.. فقام جوزها قالها يا ستي الحرامي لما بيسرق مش بيعمل صوت، راحت تاني يوم صحته عمالة تصوت وتقوله اصحى بسرعة مفيش صوت في البيت يبقي في حرامي.
• دخل المدرس الفصل ووقف سأل الطلاب ايه الحاجة اللي لونها أسود في أصفر وبتنزل عسل؟ قام رد عليه واحد من الطلاب وقاله أتوبيس المدرسة بتاع البنات.

أجمل النكت المصرية

ستجد جميع أنواع النكت التي تعتبر نكت مضحكة مصرية 2024 بكل سهولة إذا تابعت ما سنعرضه أمامك من نقاط فيما يلي:

• واحدة ست راحت تقول لجوزها هو أنت ليه مش زي أستاذ سعيد جارنا اللي فوق، دا كل يوم وهو نازل رايح الشغل بيبوس مراته، راح رد عليها قالها أنا نفسي أعمل زيه بس هي هتوافق؟
• مرة واحد راح للدكتور عشان بيشتكي من ديدان في البطن.. ومكنش في ولا دكتور عارف ايه الحل لحالته دي، لغاية ما واحد من صحابه قاله إن في شيخ بيعرف يلاقي حل لكل حاجة روحله هيفيدك، فلما راح للشيخ ده قاله حلك بسيط روح اشتري بطيخة واقعد عليها الديدان بتحب البطيخ وهتنزل فيها.. راح الرجل اشترى البطيخة وقعد عليها فنزل الرئيس بتاع الديدان أكل منها شوية وراح قال للباقي شباب طلعوا البطيخة دي.
• اتنين مسطولين بيلعبوا سوا، فواحد قال للتاني ايه الدولة الأوروبية اللي لو زودتلها نقطة على أخر حرف منها هتكون اسم لعالم ذرة؟ قام صاحبه قاله لا أنا غلب حماري قول، راح قاله قطر ولو حطيتلها النقطة هتبقى قطز.. راح رد عليه قاله هو قطز أصلًا عالم ذرة؟ قام الأول قاله يعني هي قطر اللي دولة أوروبية.
• صرصار دخل محل سوبر ماركت فطلع منه مبسوط أوي فقالوله مالك ايه اللي حصل قالهم لقيت صورتي جوه على علبة اسمها ريد.. هو أنا للدرجة دي مشهور.
• 3 صعايدة كانوا رايحين محطة القطر فلاقوا القطر خلاص بيمشي راح اتنين منهم قعدوا يجروا وراه والتالت وقف ورا يضحك عليهم، فالناس قالوله أنت بتضحك على ايه قالهم أصل أنا اللي كنت مسافر ودول جايين يوصلوني بس.
• مرة صاحب توك توك دخل يمول من محطة بنزين فكان قدامه مشروع بيحط 50 لتر ومقطورة بتحط 200 لتر.. قام الرجل بص للي شغال هناك وقاله امبوو.

نكت مصرية جديدة

يحتاج عدد كبير من الناس إلى قول النكات؛ بهدف إضافة البهجة في التجمعات سواء بين الأصدقاء أو العائلة.. لذا سنقوم بمساعدتك من خلال عرض نكت مضحكة مصرية 2024 في السطور التالية:

• واحد غبي أتقبض عليه عشان بيزور الفلوس، فلما أتقبض عليه قال للظابط هو أنتو عرفتوا ازاي؟ قام الظابط رد عليه قاله هو في فلوس ورقة واحدة بـ 65 جنيه.
• واحد غبي أشتغل في الصين سواق تاكسي.. وكان كل ما حد يوقفه يقوله يا عم ما أنا لسه منزلك من شوية أنت نسيت.
• بخيل قرر أنه يغير لون شقته قام جاب دهان أبيض وعمل حيطة واحدة وكتب على الباقي نفس اللون.
• شخص غبي راح مع مراته المستشفى عشان تولد ولما سمع صوت صريخها من جوا قعد يعيط ويقول أنا السبب أنا السبب.
• دخل المدرس الفصل وسأل الطلاب.. الرومان عملوا ايه بعد ما عدوا البحر الأبيض المتوسط.. قام رد طالب من الطلاب وقاله وقفوا ينشفوا هدومهم.
• كان في مدرس بيضرب طالب وقام قايله على فكرة أنا بضربك عشان بحبك.. راح الطالب رد عليه قاله للأسف كان نفسي أكون أنا كمان بحبك.
• شخص محشش رفع ايده في وقت الامتحان وقال للشخص اللي واقف لو سمحت أنا عايز أحذف إجابتين أو أتصل بصديق.
• واحد عنده مزرعة فراخ راح يشوفها فمرة قام لقى أن كل فرخة جنبها بيضة واحدة بس فاتعصب وقام مسك فرخة منهم وقطعلها رجلها.. وبص لباقي الفراخ وقالهم أنا هاجي بكرة أشوف البيض واللي هلاقيها مش جايبة 5 بيضات هعمل فيها نفس اللي حصل في دي.. جه تاني يوم لقى كل فرخة جنبها 5 بيضات ما عدا واحدة بس كان جنبها 3، فقالها اشمعنا أنتِ راحت قالتله استر عليا أنا أصلًا ديك.

أخر نكت مصرية 2024

في حالة كنت في حالة سيئة وتريد أن تطلع على بعض النكت التي يمكنها أن تغير حالتك.. يمكنك أن تجد عدة نكت مضحكة مصرية 2024 من خلال ما يلي:

• واحدة راحت تشتكي جوزها لحماتها فبتقولها الحقيني دا أنا كل ما أعمل أكل في البيت ياخده ويرميه للكلاب في الشارع.. راحت حماتها ردت عليها قالتلها طب والكلاب ذنبهم ايه بس.
• رجل قرر يفاجئ مراته يوم عيد ميلادها قام مطلقها.
• اتنين صحاب واحد منهم ندل والتاني حرامي فاتفقوا سوا أن كل واحد يعلم التاني الصنعة، وفعلا راح الحرامي أخد الندل وطلع بيه على أتوبيس وقام سرق محفظة رجل كان واقف.. وقاله ها اتعلمت؟ قاله اه تمام قاله طب يلا بقى علمني الندالة راح قاله ماشي.. راح نادى الرجل اللي محفظته أتسرقت وقاله ده اللي سرق المحفظة.
• واحدة مش حلوة كانت داخلة الحمام فبتقول وهي داخلة أعوذ بك من الخبث والخبائث راح رد الشيطان عليها وقالها يا ستي من غير ما تقولي أنا أصلًا طالع.
• واحد سكران ماشي ورا واحدة بيعاكسها قالها هي الحلوة وراها مشوار قامت بصتله قالتله لا الحلوة وراها حمار.
• مرة واحد بيعاكس واحدة في الشارع وعمال يقولها يا سلام على الجسم البلدي.. يا سلام على الماشية البلدي، لغاية ما زهقت منه فبصتله عشان تزعق لقاها سوداء راح قالها يا سلام على الفحم البلدي.
• شاب سكران بيقول لصاحبه أنت بقيت أقرع ليه؟ قاله من الزمن راح رد عليه قاله لا متحلقش عنده تاني.
• رجل بدوي مراته جابت تؤام حلف بالطلاق على الدكتور أنه لازم ياخد واحد منهم.
• واحد راح عند دكتور أسنان قاله أنت محتاج تقويم راح رد عليه قاله ميلادي ولا هجري.
• ست كبيرة كانت بتكره نفسها وهي ماشية في الشارع وقعت راحت قالت لنفسها أحسن تستاهلي.

أفضل نكت مضحكة 2024

من المعروف عن المصريين أنهم يمتازون بروح المرح والبهجة.. لذا يفضل الناس حول العالم أن يستمعوا إلى النكت العامية في مصر؛ لأنها تضيف مرح إلى التجمعات، لذا سنعرض لكم مجموعة من أفضل هذه النكات عبر ما يلي:

• مرة واحدة بتقول لخطيبها أنا نفسي أموت في حضنك راح قالها يا ستي روحي موتي في بيت أهلك أنا مالي ومال المشاكل.
• واحد قال لصاحبه أنت عارف أن الهم 3 أنواع، قاله لا ايه هما.. راح قاله هم حزين وهم سعيد وهم برجر.
• رجل محشش سأل واحد كويتي قاله عندك كم سنة رد الكويتي عليه قاله ثمان تعش.. وراح سأله وأنت كم؟ راح قاله ثمان تغد.
• مدرس سأل تلميذ فبيقوله هو الثعلب بيبيض ولا بيلد؟ رد الطالب عليه وقاله الثعلب مكار ممكن تتوقع منه أي حاجة.
• غبي مراته خلفت تؤام راح قالها طب الأول دا أبني التاني ابن مين بقى؟
• سواق بيشتغل على لوري كان محمل العربية كلها فراخ ما عدا بغبغان واحد، في السكة قابل بنت كانت عايزة حد يوصلها فركبها معاه وحاول يبوسها فقالتله لا راح قالها يا أبوسك يا تنزلي راحت نزلت.. ولما وصل بالعربية للمكان اللي كان رايحة لقى العربية فاضية باقي فيها فرخة واحدة والبغبغان ماسكها بيقولها يا أبوسك يا تنزلي أنتِ كمان.
• خروفين بيتكلموا سوا فواحد قال للتاني هو أنت بقالك عيدين هنا ومش بتدبح ليه؟ رد الخروف التاني قاله أصل أنا في الشهادة مكتوب حمار.
• رجل غبي ابنه قاله أنا عايز مدرس خصوصي راح رد عليه قاله لو نجحت هجيبلك.
• واحد وقف بتاع تاكسي قاله حدايق القبة يا أسطى قاله طب وهتضايقها ليه يا عم أنت.

القراء الذين اضطلعوا على هذا الموضوع قد شاهدوا أيضًا:

• نكت مضحكة جدا للأطفال جديدة مكتوبة
• أسئلة مضحكة جدا واجوبتها أسئلة واجوبة سهلة ومضحكة
• فوازير مضحكة وحلها صعبة جداً جديدة للاصدقاء

نكت مصرية مضحكة

شاهد أيضاً :- أسئلة في القرآن الكريم وأجوبتها أقوي 100 سؤال عن القرآن

النكات المصرية هي أكثر الأمور المتداولة على المواقع المختلفة للتواصل الاجتماعي؛ وذلك لأنها تجعل الشخص يضحك وينسى ما لديه من هموم بسبب ضغوطات الحياة.. ويمكنك أن تحصل على عدة نكت مضحكة مصرية 2024 من خلال متابعة ما سنعرضه في السطور التالية:

• مرة فرخة كانت لابسة سلسلة فيها صورة بيضة قالولها ايه الصورة دي قالتلهم دا أنا وأنا صغيرة.
• بخيل قالوله أنت عايز أبوك يموت عشان تورثه راح قالهم لا أنا عايزه يعمل حادثة عشان أخد تعويض وأورثه.
• طالب راح للمدرس بتاعه وقاله هو ينفع حد يتحاسب على حاجة معملهاش؟ قاله لا طبعًا رد الطالب قاله طب أنا معملتش الواجب.
• واحد بخيل راح أشترى آلة حاسبة ومسح منها الصفر ولما قالوله ليه قالهم عشان العيال مايتكلموش بيها مكالمات دولية.
• طلب المدرس من أحد الطلاب أنه يقول جملة فيها كلمة ناقص راح الطالب قاله ناقص تقولي إعربهالي كمان.
• صعيدي ماسك قنبلة وشغال يلعب بيها من الأيد دي للأيد دي فجاله واحد قاله أنت بتعمل ايه مش خايف تنفجر فيك؟ راح قاله يا عم متخافش معايا واحدة غيرها.
• مدرس رياضة سأل طالب لو أبوك استلف ألف جنيه من البنك وبعدها استلف ألف تانية من جاركم يبقى كده المفروض هيرجع كام ألف؟ راح الطالب قاله مش هيرجع حاجة.. فالمدرس قاله يابني بقولك استلف ألف من البنك وألف تانية من الجار يبقى هيرجع كام؟ قاله مش هيرجع حاجة منهم،.. راح المدرس اتعصب وقاله اقعد شكلك متعرفش حاجة في الرياضة، راح الطالب قاله دا أنت اللي متعرفش حاجة عن أبويا.
• كمسري راح يحضر جنازة وطول ما هو ماشي فيها عمال يقول الجنازة فاضية قدام يا جماعة.

نكتة مضحكة جدًا

إذا كنت تريد أن تقوم بتجميع عدد كبير من نكت مضحكة مصرية 2024.. فعليك أن تتابع ما سنعرضه لك عبر السطور التالية، حيث سنعرض انتقينا نكتة حازت على إعجاب الكثيرين سنعرضها فيما يلي:

طالب في كلية هندسة راح يمتحن امتحان الشفوي فدكتور المادة قاله أنت بتيجي الصبح الكلية بأيه؟ فالطالب قاله بالأتوبيس، قاله حلو جدًا طب لو كانت الدنيا حر بتعمل ايه؟ راح قاله بفتح الشباك عادي، راح قاله تمام احسبلي كمية الهوا اللي هتدخل الاتوبيس لما تفتح الشباك لو الاتوبيس كان ماشي على سرعة 60 كيلومتر لكل ثانية؟

طبعًا الطالب معرفش يحل السؤال وأخد صفر.. قام طلع برا قال لصاحبه على السؤال، فدخل صاحبه للدكتور فالدكتور قاله بتركب ايه وأنت جاي الكلية الصبح؟ راح قاله باجي بعربيتي.. راح الدكتور قاله طب لو العربية عطلانة هتعمل ايه؟ قاله عادي بكلم واحد من صحابي معاه عربية يجي يوصلني.

راح قاله طب لو الحد ده مش فاضي هتعمل ايه؟ قاله هخلي أبويا يوصلني، قاله افرض كان عنده شغل؟ قاله بركب تاكسي، رد الدكتور قاله طب لو مفيش تاكسيات ومتأخر هتعمل ايه؟ قاله خلاص بقى هركب أتوبيس، قام الدكتور قاله يااه أخيرًا، طب الدنيا لو حر في الاتوبيس هتعمل ايه؟ قاله هقلع الجاكت.

قاله طب لو الحر كان جامد هتعمل ايه قاله هفتح زراير القميص، قاله طب لو فضلت حران برضه هتعمل ايه؟ قاله ممكن اقلع القميص.. راح الدكتور قاله طب لو حران خلاص هتموت وفي جنبك شباك هتعمل ايه؟ قاله بص يا دكتور أنا ممكن أعمل أي حاجة غير أني أفتح الشباك.

أحلى النكت المصرية

الضحك هو أكثر العلاجات فعالية في تغيير مزاج الفرد، لذا حاول دائمًا أن تجعل نفسك وسط أشخاص تجعلك سعيدًا.. ويمكنك أن تضيف إلى التجمع بعض النكات المصرية الجميلة التي سنعرضها لك فيما يلي:

• دخل مدرس العربي الفصل وطلب من الطلاب أنهم يكتبوا موضوع تعبير يتخيلوا نفسهم فيه مدراء لشركات كبيرة.. وفعلًا كل الطلاب بدأوا يكتبوا إلا طالب واحد بس فراحله المدرس وقاله مش بتكتب ليه زي صحابك؟ قاله لسه مستني السكرتيرة هتجيبلي ورق.
• شاب راح قتل أبوه ولما سألوه ليه كده يا بني قالهم كنت عايز اطلع الرحلة بتاعت مدرسة الأيتام.
• مدرس سأل طلابه قالهم تفتكروا ليه القلب بيدق طول الوقت؟ راح طالب رد عليه قاله عشان المعدة تعرف ترقص.
• دخل المفتش الفصل وكان المدرس عايز ينام في الوقت ده، راح قال للطلاب يبقى عمر كان بينام ازاي يا ولاد أهو كده.
• واحد صعيدي بيقعد طول اليوم يأكل سواء ليل أو نهار مش بيبطل، وكل ده وهو مش بيسمي حتى.. قام طلعله الشيطان وقاله يا عم أبوس أيدك سمي بقى.
• رجل شغال سواق تاكسي ركبت جنبه بنت حلوة قام قالها تعرفي تسوقي؟ قامت قالتله لا، راح رد عليها قالها أنا تسوقي.
• جزار راح يخطب فلقى أبو العروسة بيقوله عايز مهر 50 ألف جنيه راح قالهم ليه هو أنتو عندكو الكيلو بكام؟
• مدرس عربي سأل الطلاب ايه هي أخوات إن فرد واحد من الطلاب وقاله إن أن كأن ليت كيت فالمدرس قاله جت منين كيت دي؟ راح قاله ما دي أختهم بس من أم تانية.
• طالب سقط في الامتحان للمرة الثانية فجابه أبوه وقاله سقطت ليه تاني راح قاله عشان الأستاذ جاب نفس أسئلة المرة اللي فاتت.

أجمد نكت مصرية مضحكة 2024

كثير من العلماء قالوا إن الضحك من الأمور المعدية، لذا إذا جلست مع شخص يضحك فأنت بالطبع ستكون سعيد.. كما تستطيع أن تجعل نفسك سعيد من خلال الاستعانة بنكت مضحكة مصرية 2024، حيث إن هذه النكت ستساعدك كثيرًا، فإليك ما يلي:

• دخل الأستاذ الفصل وبدأ يسأل الطلاب وقال مين اللي فتح مدينة صقلية؟ راح رد عليه الطالب وهو خايف قاله مش أنا والله.
• سأل المدرس طلابه احنا بنستورد الشاي منين؟ راح قاله من الجيران.
• طفل سأل مامته وقالها ماما هو ايه اللي في بطنك ده فقالتله دا أخوك يا حبيبي.. راح قالها طب أنتي بتحبيه ولا لا؟ قالتله بحبه طبعًا قام قالها أمال ليه أكلتيه؟
• مرة دكتورة أسنان كانت عايزة تطلق فراحت للمحامي قالها نخلعه طيب؟ قالتله لا خلاص نحشيه.
• شاب راكب عربية أخر موديل ومفتوحة من فوق راح بيها مطعم فجت عصابة وسرقت العربية منه.. قام رفع عليهم المسدس وقالهم لو مجيبتوش العربية هعمل نفس اللي عملته في أوروبا، فالعصابة قلقوا ورجعوا العربية.. بس واحد منهم نزل وقاله أنت عملت ايه في أوروبا راح قاله رجعت البيت مشي.
• طفل صعيدي لقى ست زنجية بترضع ابنها راح قال لمامته يا بخت النونو ده.. فمامته قالتله ليه يا حبيبي؟ قالها عشان بيرضع شيكولاتة.
• سواق راح ينام فمراته قفلتله الباب بتاع الأوضة، قام نادى عليها وقالها افتحي الباب واقفليه تاني.
• ولد راح عند جارته وقالها طنط طنط عايز أشوف لسانك فقالتله أشمعنا يا حبيبي راح قالها عشان ماما قالت أن أنتي لسانك زي العقرب.
• صعيدي راح يكشف عند الدكتور فالدكتور سأله ها وأنت عندك ايه؟ قام قاله عندي جوز عيال ومعزة.
• سألوا نجار أيه أكتر فيلم بتحب تتفرج عليه رد عليهم قالهم: المفك المفترس.

نكت قصيرة مضحكة

الشعب المصري من أكثر الشعوب المعروفة بخفة الدم في العالم أجمع.. لذا من المؤكد أن النكت الخاصة بهم ستكون جديدة ورائعة، وتستطيع أن تطلع على أطرف هذه النكت عبر ما يلي:

• جحا فتح محل فراخ فجاله المفتش بتاع التموين وقاله ها يا جحا بتأكل الفراخ بتاعتك ايه؟ راح قاله رز راح قاله يا نهار أسود هو في حد لاقي الرز.. اديله غرامة 100 جنيه يا بني.. فجه تاني يوم قاله ها يا جحا أكلت الفراخ أيه النهاردة قاله قمح، راح قاله يا نهارك أسود هو أحنا بنلاقي القمح اديله غرامة 100 جنيه يا بني، فتالت يوم جه سأله أكلت الفراخ أيه راح قاله أنا عطيت كل فرخة جنيه وسيبتهم يجيبوا اللي عايزينه.
• ست راحت تشتري بغبغان فالراجل بصلها وقالها البغبغان ده جامد جدًا.. لو رفعتي رجليه الشمال هيغني أغنية لعمرو دياب ولو رفعتي رجليه اليمين هيغني لتامر حسني.. قامت قالتله طب لو رفعت رجليه الاتنين مع بعض هيعمل ايه؟ رد عليها البغبغان وقالها لا كده هقع يا ذكية.
• واحد بخيل كان واقف في البلكونة مستني ابنه يجي من المدرسة فلما الولد جه قعد ينادي بابا بابا بابا راح الأب رد عليه قاله في ايه ما هي بابا واحدة كفاية.
• صعيدي سافر يحج وراح قعد في المخيم بتاع الحريم ولما سألوه ليه قالهم عشان أنا جاي أحج عن أمي.
• واحد راح عمل بطاقة عائلية وكلم الشرطة قالهم أنا ضحكت عليكم أنا أصلًا عازب.
• واحدة غبية حبت تعمل مفاجأة لجوزها يوم الفرح راحت قالتله أنها حامل.
• رجل قام ضرب عياله ولما سألوه ضربتهم ليه قالهم كانوا مشغلين المروحة على 3 وهما اتنين بس.

نكت مصرية كوميدية

• عائلة معروف عنها النذالة طلب الزوج من زوجته تحظر له ماء سألها بعدين وش اخر ما وصل العائلة من نذالة قالت له الزوجة الماء اللي تشربه بنزين وليس ماء .
• امراه بخيله قالت لولدها يامحمد روح اشتري ثلاثه رغيف واحد لي وواحد لوالدك وواحد ليك وبعد ما راح الولد لشراء الرغيف طلعت الام من البلكونه وقالت يامحمد رجع الرغيف الثالث ابوك مات.
• بخيل اشترى نصف كيلو تفاح عض التفاحة الاولى لقاها مسوسة والثانية كذلك طفا الكهرباء واكل التالتة .
• اشترى رجل بخيل ثلاث برتقالات، قطع الأولى فوجدها متعفنة فرماها، قطع الثانية فوجدها متعفنة فرماها، فأطفأ النور وقطع الثالثة وأكلها .

نكت مضحكة مصرية قصيرة

• واحد بلديتنا نزل في محط.
• مصر ي لقى بتاع الأنابيب بيخبط على الأنابيب راح قايله افتحلي واحدة ساقعة يا بنى.
• مرة واحد تعب من كتر المشي راح جري.
• واحد ركب اتوبيس شاف واحدة حلوة راح بصلها وهى بصتله ضحكلها ضحكتلو غمزلها غمزتلو راح مشاور لها على المحطة نزلت استماع راح قاعد مكانها.
• مرة واحد طويل اوى شرب لبن راح مات.. علشان اللبن انتهت صلاحيته عقبال ما وصل لبطنه.
• ازاي نحط فيل جوة الكباية بسيطة نجيب ورقة ونحطها على الكوباية وتوقف الفيل على الورقة وبشويش نشيل الورقة هيقع الفيل في الكوباية.
• مرة واحد حب يشتري ساعة لقاها غالية اوى راح مشتري خمس دقائق.
• مرة واحد تاية بيسال واحد ماشي فى الشارع قدامه هو اقرب طريق للمستشفي ازاى راح قايله غمض عينك وعدى الشارع.
• واحد بلديتنا بيلبس تي شيرت عليه رسمة قطة عشان الفار ميلعبش في عبة.
• واحد صعيدى عنده ارق مبينمش واحد صاحبه قاله عد لحد 500 هتروح في النوم قاعد يعد النوم كبس عليه قبل ال٥٠٠ راح غسل وشة وقعد يكمل.

يمكنك الاطلاع علي :- أسئلة عامة سهلة جداً وممتعة 2024 أسئلة سهلة ومتنوعة

نكت مصرية قديمة

• واحد بلديتنا حب يفسح امرأته في شهر العسل راح موديها المنحل.
• واحد بلدياتنا سافر امريكا لقى كل الشباب لابسين تشيرت مكتوب عليها بيبسي و كوكاكولا و سفن اب راح كتب على الجلابية عصير قصب.
• مرة مدرس جغرافيا حب يجيب لمراته هدية راح جاب لها سلسلة جبال.
• واحد عجلاتى راح يقعد على القهوة راح طالب واحد كابتشينو.
• مدرس دخل الفصل قال للتلاميذ في امتحان املاء دلوقتى يلا اكتبوا ورايا ذهب حسام إلى بلطيم يوم الاربعاء في واحد من التلميذ قاله الهمزة على الألف ولا على السطر قاله خلاص خليها الخميس.
• واحد صياد كسلان اوى كتب كلمة طعم على الورقة وشبكها في الصنارة بعد شوية طلع الصنارة لقى فيها ورقة مكتوب فيها سمكة.

نكت تموت من الضحك 2024

• مرة اتنين مساطيل راكبين عربية فواحد بيقول للتانى حاسب في شجرة مردش عليه راح مزعق مردش عليه راح مصرخ فيه يا عم حاسب قدامك شجرة مردش راحوا خبطتين في العربية قالوا يا عم شغال اقولك فى شجرة قدامك وانت ولا هنا قالوا يا عم ما إنت إلى سايق.
• واحد حلاق وابنه كانو بيتفرجو على ماتش كورة والمعلق يقول اللهيب وشطها بمشط رجله جت فى المقص راح الولد قال لابوه اللحق يا بابا دول بيلعبو في العدة.
• اتنين مساطيل راكبين عربية وقدامهم عربية وبص في مرايا الاولانى بيقول للتانى يا اخى الى قدامك ده شكله مش غريب عليا راح بص وقاله ياعم انت مسطول ده انا.
• واحد راح مجمع استهلاكى علشان يشتري فراخ الموظف سأله عايزها صاحبة ولا مذبوحة قاله مظبوحة قاله اطلع الدور الثانى طلع قابل موظف تانى قاله عايزة صحيحة ولا متقطعه قاله متقطعه قاله اطلع الدور الثالث طلع قابل موظف ثالث قاله عايزها متكيسة ولا لا قاله اه قاله اطلع الدور الرابع طلع قابل موظف راح قائلة أنا عايز فراخ مدبوحة متقطعة متكيسة قاله مفيش فراخ اصلا لي ايه رايك في النظام.
• مرة واحدة اتجوزت واحد منوفي اتفق معاها أن المصاريف عليها وأن الايجار بتاع الشقة عليه وبعد سنة جواز اكتشفت أن الشقة تمليك.

نكت مصرية جديدة 2024

• نملة جوزها الفيل مات قعدت تدفن فيه طول حياتها.
• اتنين بلديتنا حبوا يلعبون شطرنج راح الملك ضرب نفسه بالنار مات.
• واحد شحات راح بشحت من واحد عجلاتى وبيقوله اعطينى مما اعطاك الله قاله خدلك لفة.
• السعودية حبت تتبرع للصومال بعث لها شحنة أدوية بس رجعت كلها تانى علشان كلها أدوية بعد الأكل.
• واحدة وجوزها نايمين بالليل بتقوله قوم يا حسين في حرامية بره قالها لأ قومي انت احسن يكونوا ستات.
• واحد وهو بيموت مسك ايد مراته وبصلها بصى كلها حنية وقالها طول عمرك واقفة معايا لما اترفدت ولما فلست ودلوقتى وانا بموت بردو جمبي مش عارف ليه حاسس انك نحس يا ولية.

نكت مصرية مضحكة موت 2024

• واحد صعيدى راح مصر أول ما وصل خبطته عربية راح طلب تعويض منه نص مليون جنية وكسب القضية فعلا واخد الفلوس ولما رجع البلد واحد سأله جبت الفلوس دى كلها منين راح حكالو إلى حصل راح الراجل نزل مصر وبث لقي عربية قال لا دى هتبقى صغيرة وقف قدام الاتوبيس قال لا برضو اشوف حاجة اكبر علشان التعويض يبقى كبير راح وقف قدام القطار وقاله تعالا يا حبيبي يا ابو الملايين.
• واحدة بتقول لجوزها الحق ماما جالها تسمم قالها متخافيش تلقيها بلعت ريقها ولا حاجة.
• واحد يكذب على محشش يقوله ابوي عنده عمارة فيها 500 دور راح المحشش قاله وانا ابويا عنده جمل طوله 500 متر قاله انت كذاب بيركبها ازاى دى قتله بيطلع على سطح عمارة ابوك.
• واحد محشش راح محل بقالة وسأل البقال عندك ازازة ماية صغيرة قاله اه قاله طيب خليهالك لحد ما تكبر.
• واحد محشش اتخانق مع ابوه و راح أبوه طرده من البيت راح المحشش المقابر وحط صوره أبوه وكتب عليها coming soon.

تعرف أيضاً علي :- اسئلة ذكاء عامة 2024 أقوى ألغاز رياضية وألغاز للعباقرة

اجمد نكت مصرية

• صعيدى قابل واحد أجنبية سألها إنتى منين قالتله وات، قالها اجدع ناس بتوع وات دول.
• مسطول ركب العربية بتاعته ملقاش الدركسيون ولا التابلوه ولا الفتيس راح عمل بلاغ
  في القسم إن العربية اتسرقت بعد شويه أتصل بالقسم قالهم الغوا البلاغ أصل
  أنا كنت راكب ورا .
• صعيدى اشترى مرايه، الصبح مراته بصت في المرايه وقعدت تعيط راحت للعمدة وقالتله جوزى اتجوز عليا قالها طب تعالى نروح نتأكد وراح العمده بص فى المرايه قالها ده كمان جاب عمدة تاني غيرى
• صعيدية بتقول لجوزها هات بوسه فراح باسها قالتله ضحكت عليك واخدت اللبانة قالها انا اللي ضحكت عليكى دة كان بلغم.
• مره محامي فافي اوي كان بيدافع عن واحد اسمه محمد في تهمة قتل ، فراح للقاضي وقاله هاي قاضي ، القاضي : هاي.المحامي : انت شوفت محمد وهو بيقتل يا قاضي . القاضي : لا . المحامي : كوبه يا قاضي يلا يا حمو.
• بهانه جوزها رماها من الدور الثالث طلعتله وقالتله بلاش الهزار البايخ ده.
  مخيمر راح يكشف على ابنة الدكتور غاب عنه نص ساعه ورجع قاله البقاء لله ابنك مات فجه ابنه وقاله لا يابا انا ماموتش قاله اتنيل على عينك هتفهم اكتر من الدكتور.
• مرة صعيدى راكب تاكسى السواق نزل عشان يجيب سجاير لاقاة خلع الفتيس من العربيه فلما رجع السواق سأله خلعتها ليه قاله شفتك عمال تلخلخ فيها قولت لما اشلهالك عشان تعباك
• صعيدي عاوز يقتل مراته حطيلها مسدس في الأكل.
• عشر صعايدة كانوا بيحششوا البوليس كبس عليهم خمسه منهم اتمسكوا وخمسه استخبوا فى عربيه البوكس.
• سأل الاستاذ الطالب:ما هو الشي الذي لونه اسود و اصفر و ينزل عسل؟؟اجاب الطالب أتوبيس مدرسة البنات.

زوارنا شاهدو أيضا :-

1. أسئلة عامة صعبة في الدين 2024 وأسئلة عامة ثقافية في الأدب والشعر
2. أسئلة عامة وأجوبة للمسابقات2024 وأسئلة عامة للمسابقات عن الدول
3. اسئلة ثقافية واجوبتها 2024 اسئلة ثقافية علمية واسئلة ثقافية صعبة
4. اسئلة عن الحج واجابتها 2024 شروط أداء مناسك الحج وما هي أركان الحج
5. ألغاز للعباقرة والأذكياء 2024 ألغاز للعباقرة وحلها 20 لغز بالحل
6. أسئلة في المعلومات العامة 2024 واسئلة في المعلومات العامة الثقافية والعلوم
7. أسئلة مضحكة جدا واجوبتها أكثر من 100 أسئلة مضحكة جديدة

وبعد الإنتهاء من مقال نكت مصرية جديدة 2024 وكذلك طرحنا عليكم نكت مصرية مضحكة موت نتمنى ان تكونو قد وجدتم ما تبحثون عنه عبر قسم ننكت وألغاز مضحكة ونتمنى زيارتكم المستمرة لموقعنا موقع مواضيع.